Novembermaand moet die uitnodigings uit! Daar is 60 kaartjies wat verkoop moet word. Wat sal ons tema vir die l-a-n-g-t-a-f-e-l-e-t-e wees?
Ons besluit op “Sing,Swing and All that Jazz!” Die datum? So na as moontlik aan 14 Februarie.
Die radio omroepertjie wat die platevasvra gaan lei stel voor dat haar sangervriend ons heelaand vermaak op ‘golden oldies’.
Die sanger is bespreek vir Valentynsaand in die ou tronk se binnehof. Die spyskaart is klaar haarfyn beplan, kelners opgelyn en die kerkkantoor se lang houttafels is uitgeboek vir ons langtafelete. Daar sal ekstra stoele aangekoop moet word en daar word ernstig kop gekrap oor die dècor.
Servette gaan ons sélf maak. Maklik. Ons kerf die silhoëtte van die trompetspelers op roomysbakdeksels uit en verf dit op lap.
Ou langspeelplate kry etikette waarop die spyskaart kripties uitgebeeld word…elke snit op die plakker beskryf ‘n dis.
Lanterns word bymekaar gemaak om op te maak vir die gebrek aan elektriese ligte.
Gelukkig is daar ‘n muurprop binne die gebou vir die klanktoerusting.
Nou moet die weer net saamspeel.
Dié dag waai die wind so kwaai dat ons met moeite die servette op die tafels hou. Gelukkig bly die langspeelplate lê…die ‘onderborde’ wat ook ons spyskaarte is.
Teen sesuur kry die wind én die okkasie sy lê. Die gaste is netjies uitgevat. Dis strikdasse en vereboas en rooi lippe. Die tafels is gemerk: Riviersonderend, Bredasdorp, Napier. Daar is niks soos ‘n glasie Old Brown Sherrie om die grysstof so ‘n bietjie te olie nie. Die een tafel (letterlik vol mense van daardie spesifieke dorp) wil skerper wees as die volgende. Die ‘golden oldie’ vasvra sprei ‘n AHA!-gevoel wat momentum kry as dit donker word en die karoseenlampe ‘n geel gloed oor die kosbelaaide tafels begin gooi.
Die minnesanger begin met sy Italiaanse gunstelinge en gaste kry tussendeur koers dansbaan toe. Oom Toy ( heel voor op foto) was op sy dag kampioendanser en wys sy slag!
Die fotograaf staan bont vir individuele paartjies en groepfoto’s. Hierdie is die begin van ‘n nuwe tradisie…die Vriende van die Skeepswrakmuseum se Langtafeletes.
Oulik! En ons plekke is alreeds bespreek vir 2022!
On Sun, Nov 7, 2021 at 11:10 PM Letty-Ann se Ervarings wrote:
> Letty-Ann posted: ” Novembermaand moet die uitnodigings uit! Daar is 60 > kaartjies wat verkoop moet word. Wat sal ons tema vir die > l-a-n-g-t-a-f-e-l-e-t-e wees? Ons besluit op “Sing,Swing and All that > Jazz!” Die datum? 14 Februarie. Die radio omroepertj” >
LikeLiked by 2 people
Dankie,sustertjie en gaan ons dans!
LikeLike
Klink alte heerlik. Wat ń goeie gedagte
LikeLike
Heerlik onder die sterrehemel op ‘n someraand,Trommeltjie.
LikeLike
Op my bucket list…’n langtafel ete met al my hartsmense. Dink dit sal iewers in ‘n dorpie se hoofstraat wees. Vir die aantal mense….
LikeLike
‘n Laaaang straat vir jou,Woordnoot
LikeLike
Baaaaaiiieee lank!!😂😂
LikeLike
Dit is net die beste idee ooit, Lettie-Ann, hierdie jaarlikse ete van julle.
LikeLike
Dankie,Una!
LikeLike
Ek kan ook nie wag nie.
1) jy skryf REGTIG fantasties.
2) die langtafelete wat ek al kon bywoon was besonder lekker met lekker mense, lekker atmosfeer, lekker alles …
LikeLiked by 1 person
Dankie,liewe Toortsie.Hoe meer mens iets geniet,hoe beter skryf jy daaroor.
LikeLiked by 2 people
😁
LikeLiked by 1 person
Sjoe, dit klink heerlik. Sal saam wil dans.
LikeLike
Kom sing ook sommer stuk-stuk saam.
LikeLiked by 1 person
Ek sing? Oe gaats, nee jong.
LikeLike
Deedle-deedle net.
LikeLiked by 1 person
Hmmm, ek sal dan probeer. Baie sag, anders kom die katte aangedraf om saam te sing …
LikeLike
Katestrofies ;-D
LikeLiked by 1 person
Lag ek nou lekker – katte strofies sing …
LikeLiked by 1 person
Die katte (dis nou ek en jý) sing net strofies,ja,Christa.
LikeLiked by 1 person
Jong weet jy! Ek dink nooit aan jou as ek aan katte of katterig dink nie. Eerder Schanuzer – friends for life!
LikeLike
Stem vir Schnauzers!!
LikeLiked by 1 person
XXX
LikeLiked by 1 person
Maar ek luister graag.
LikeLiked by 1 person
Wat ‘n stunning idee, dit lyk omtrent lekker🌻🌻
LikeLike
Elke jaar se ding!
LikeLike
So mooi. 2022 is dit mos Italië! Ek ksn nie wag nie
LikeLike
Ja!Deesdae praat ons sommer net van ons ‘Italian crooner.’
LikeLiked by 1 person
Mooi en raak beskrywing
LikeLike