Twee aande op ‘n Rovos Rail Trein na Pretoria

Rovos Rail het ‘n “special”.

By die Rovos Rail gebou by die Kaapse stasie gee ons uberdrywer die aflosstokkie oor aan ‘n Rovos gasvrou.

Rooitapyt!
Palm Strings violiste speel ononderbroke.

Rohan Vos, eienaar van Rovos Rail, heet almal persoonlik wekom.
Name word uitgeroep en gaste word per wa uitgeneem trein toe.

Die kompartement is lieflik met houtafwerking en paisley slaapbanke.

Ontmoet die Bothas in die sitkamerwa.  Hulle is jonger as ons (56).  Ons deel ‘n etenstafel dwarsdeur die treinrit.  Gesels lekker.

1ste ekskursie is Matjiesfontein.  Sing lekker saam met Mary-Ann en met Johnny voor die klavier.

Aandete is formeel en al die gaste is uitgevat.  Ek met my nuwe swart kant bolero oor die lang swart rok.  Danie met sy rooi strikdas wat hy op Bredasdorp by die China shop gekoop het (1 van 3).

Na ete het ons heerlik in ons kamer gestort en gaan slaap.
Elektriese komberse!
Sondag is dag 2 op Rovos.

Bly lekker lê met die trein se ritmiese gesus.  Ontbyt was van 7 tot 10 beskikbaar.
Ons het gelees en ontspan in die kompartement tot middagete.
3 uur gestop in Kimberley.
Met toerbussies na die groot gat.  Doen besigtigingstoer en bekyk diamantjuwele.

Speel Scrabble in die sitkamer totdat die aandete gong lui.
Kuier tot laat met die res van die treingaste.
Ontdek die kroeg en knoop geselsies met toeristeleiers van Kenia en ‘n egpaar van Tokai aan.

Sjampanje, sjokolade en ‘n opgemaakte bed lê en wag.
Verwagte tyd vir aankoms in Pretoria is Maandagmiddag 5nm.
Speel die beloofde potjie skaak na ontbyt in die lounge, lees in die kajuit en rus uit voor ons middagete met ‘n verskillende glas wyn by elke dis waarna ons weer sal kom rus!

Ons het ure in die sitkamerwa gekuier en het tot laatnag gewag om ons eindpunt te bereik. Die pluspunt hiervan was dat ons by mense uitgekom het wat ons van g’n kant geken het nie.

Uiteindelik by ons hotel…’n splinternuwe hoogtepunt!