En so Ganit!

Vroumense en tegnologie. Ai.

“Kom Saterdag sodat die 5 manne 5 uur daar bo kan rugby kyk en agterna afval eet terwyl ons 5 uur hier onder kan begin fliek en ons 5 vroue ons 3-gangmaaltyd eet.”

Dit was die begin van ‘n 50/50 aand van lekker afval en Springbokrugby vir die manne teenoor ‘n mosselsop voorgereg met ratatouille met kapokaartappels en ‘n vrugtering met die heerlikste tuisgemaakte eiervla terwyl ons Netflix kyk.

Netflix…alles was 11:00 die oggend reeds opgestel, daar is op twee moontlikhede besluit en die vaardigheidskunsies is fyn deurgetrap voor Danie weg is na Pa se huis om die manne se afval voor te berei.

By ons huis is los kombersies en kussings reggesit, alles wat oortollig rondgestaan het is weggepak en silwer eetgerei is op die ronde tafeltjie voor die televisie reggesit.

Die eerste gas het net na my middagslapie opgedaag met haar aartappels. ‘n Halfuur voor die tyd het die tweede gas met ‘n stomende pot mosselsop opgedaag. Toe die poeding en laaste een met ‘n geblomde geskenksak – ‘n bottel kamerparfuum vir elke gasvrou…Vanilla.

Teen die tyd wat die sop koud geraak het het ek steeds gesukkel om The Devil’s Advocate te laai. Later het die een na die ander probeer en een het al benoud gevra ,”Wat gaan ons vir die mans sê, watter fliek het ons gekyk?” Einde ten laaste het al die instrumente saam gespeel en is AND SO IT GOES geaktiveer! Wat ‘n heerlike ontspanne fliek.

Ons mans het ná die rugby huistoe gekom en die aand het net-net gedreig om lank te rek met ‘n jagterstorie of twee toe een kophou en sê ons moet voor nege uur by die huis wees. Ek dink almal was te moeg om hom reg te help. Spertyd het mos aangeskuif na 10 uur.

17 thoughts on “En so Ganit!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s