http://fresh.inlinkz.com/party/2808199db9894254b848ffd032d39e8c
Hulle is vandag weg maar orals is daar tekens dat hulle hier was! Die groen spuitnaald in die kombuis stuur flitsgedagtes van week één op Struisbaai deur my kop. ‘n Senusagie wat mamma-mamma kerm en eers ‘n loopneus en toe ‘n loopmaag ontwikkel het. Oupa en ouma wat laat Sondagoggend antibiotika gaan soek, mamma wat die nat neusie uitsuig sodat snip kan asemhaal en grootmense wat moet leer wanneer om saggies te praat sodat die peutertjie asseblief net kan slaap.
Week een en ‘n groot gedeelte van week twéé was vir alle partye ‘n kultuurskok, maar week drié was ‘n wonderlike deurbraak van armpies in die lug om opgetel te word, skoene wat aangedra word en woorde wat netjies gena-aap word. Ons kleinkind wat in Oostenryk ‘n kortkop voor die pandemie gebore is het mettertyd sosiaal ontdooi, selfs begin ontpop in ‘n aandagvraatjie wanneer sy haar oë toeknyp (en net bietjies-bietjies loer om te sien of ons nog vir haar kyk). Dan lag sy uit haar maag ‘n diep gromlaggie en wip op en af. Nina is weg, so ook die los ivoorstukkie van ons klavier se klawer, die letter ‘d’ by ons boonste trap (daar staan ‘d-r-o-o-m-l-a-n-d’ teen die nege trappe oppad slaapkamers toe) “en”… soos Oupa sê…”die ergste is hulle weet nie dat hulle droogmaak nie!” Nou mis ons die stemmetjie en haar mamma, maar ons weet haar pappa verlang en gun hom sy patroon wat intussen sterker loop, ‘n groter verskeidenheid kos eet en self op haar fietsie klim.
Net ń ouma wat ń kleinkind in die buiteland het weet hoe hartverskeurend daardie groet is. Sterkte vir die verlang tye en die kosbare onthou tye.
LikeLiked by 1 person
Ja,dankie,Trommeltjie.Dit was ons 1ste kennismaking.Gelukkig is hulle nou terug in Namibië!
LikeLike
Dit is dzrem baie nader.
LikeLike
Ja!
LikeLike
Wat ń kosbare tydjie het julle nie gehad nie, Aalsie! Ek glimlag lekker vir die veranderings wat agtergelaat is in julle huis.
LikeLike
Ja,ons was aanvanklik radeloos met die siek kleintjie maar toe sy eers gesond was was sy ‘n fees! Ons huis het sowaar ‘n metamorfose gekry.Gelukkig het ek die ivoorplaatjie van die klaviernoot onder die klavier gekry.Dir ‘d’ van droomland het ook agterna uitgekom. Soos jy sê,Una,”‘n kosbar e tydjie”!
LikeLike
Ek kan agter kom jy geniet jou spannetjie ook!
LikeLike
Wat ‘n mooi beskrywing en kan dink hoe hulle gemis word. Hulle is baie slim gemaak en leef net in die oomblik, ‘wonderlike eienskap🌻
LikeLike
Ja.Ek mis hulle al klaar!
LikeLike
Ken glad nie die woord “senusagie” nie – kan jy verduidelik, ‘seblief?
LikeLike
Vlg my dogter praat die Duitsers van ‘n senusagie as iets aan jou senuwees knaag.
LikeLiked by 1 person
Baie dankie
LikeLike
Wat ‘n voorreg om kort rukkies net deel te word van hulle lewetjie. En is hulle nie interessant nie! Ek verkyk my aan hoe wonderlik slim God die klein mensies gemaak het. ❤
LikeLiked by 1 person
Ja,San en hulle raak so vinnig groot!
LikeLiked by 1 person
Is so, maar elke fase is mooi en spesiaal.
LikeLike
Lieflik, ek ken daardie gevoel van mis as hulle loop. En die besig wees as hulle by ons is.
LikeLiked by 1 person
Ja,hierdie was ons vuurdoop.Ons sien uit na volgende keer.
LikeLiked by 2 people
En julle is goed daardeur, dankie vir die deel.
LikeLiked by 1 person
Plesier
LikeLiked by 1 person
Ja, wat ‘n belewenis!
LikeLiked by 1 person
Ai en Ouma se hart is vol, maar sy verlang al weer. Wat oumas nie alles moet deurgaan nie. My spannetjie is ook weer terug.
LikeLiked by 1 person